Japonııanyń bolashaq premeri Obamany Býshpen shatastyrdy
ASTANA. 19 jeltoqsan. QazAqparat - Japonııanyń bolashaq Premer-Mınıstri Sındzo Abe
AQSh prezıdentimen telefon arqyly sóıleskennen keıin jýrnalısterge bergen suhbatynda Barak Obamany qatelesip Djordj Býsh dep atady. Bul jaıynda Ýtro.rý halyqaralyq BAQ-qa silteme jasap habarlady.
Mundaı qatelikke jol berilýi túsinikti de. Óıtkeni Abe 2006-2007 jyldary Japonııa úkimetiniń basshysy, al kishi Djordj Býsh sol kezde AQSh Prezıdenti bolatyn. Abe shalys basqanyn aldyńǵy qatarda otyrǵan jýrnalıster kúle bastaǵannan keıin birden túsinip, qateligin túzedi.
Qańtar aıynda resmı túrde Japonııanyń Premer-Mınıstri laýazymyna kirisetin ol 26 jeltoqsan kúni Vashıngtonǵa resmı saparmen barýy tıis.
Búgingi áńgimeleý barysynda taraptar qańtardaǵy kezdesý barysynda Soltústik Koreıanyń zymyran ushyrýyna baılanysty aradaǵy qarym-qatynastardy jáne amerıkandyq jaıaý teńiz áskeriniń avıabazasyn japondyq Okınava ákimshilik bóligine aýystyrý máselesin talqylaýǵa kelisti.
