Japonııanyń áýe keńistigine reseılik eki bombalaýshy basa-kóktep kirgen
ASTANA. 22 tamyz. QazAqparat - Reseıdiń Áskerı-áýe kúshteriniń eki bombalaýshysy Japonııanyń Fýkýoka prefektýra aýdanynyń áýe keńistigine basyp kirgen, dep habarlady RBK.
Áńgime anaý-mynaý emes ýaqyt pen aýa raıyn talǵamaıtyn qarsylas jaqtyń tylyndaǵy mańyzdy nysandardy joıýǵa arnalǵan Tý-95 eki strategııalyq bombalaýshy jaıynda bolyp tur. Reseıdiń bul áreketine jaýap retinde Tokıo dabyl qaǵyp, 4 japondyq tosqaýylshy-ushaqtaryn shyǵardy, delingen Japonııa Syrtqy ister mınıstrligi habarlamasynda.
Japondyq taraptyń paıymdaýynsha, reseılik bombalaýshylar Japonııanyń baqylaýyndaǵy áýe keńistigine Okınoshıma aralynyń soltústik-batys jaq bóliginen basa-kóktep kirip, sol aımaqta 99 sekýnd bolǵan.
Japonııa SІM atalǵan oqıǵaǵa qatysty Tokıodaǵy Reseı elshiligine nota jiberip, shuǵyl tergeý júrgizýdi talap etti.
