Japonııanyń Atamı qalasynda kóshkin júrip, 20 adam iz-túzsiz joǵaldy
NUR-SULTAN. QazAqparat – Senbi kúni kóshkin júrgen Japonııanyń Sıdzoýka prefektýrasyndaǵy Atamı qalasynda kem degende eki adam qaıtys bolyp, 20 adam iz-túzsiz joǵaldy, dep habarlaıdy QazAqparat Euronews agenttigine silteme jasap.
Tabıǵı apat saldarynan 10 úı qırap, elektr taratý symdaryna zaqym keldi.
Oqıǵa ornyna ózin-ózi qorǵaý kúshteriniń qutqarýshylary men sarbazdary jetti.
Іzdeý jumysy júrip jatyr. Japonııa úkimetiniń janynda aqparat jınaý boıynsha jedel shtab quryldy.
Japonııanyń ortalyq jáne shyǵys bólikterinde birneshe kún boıy nóser jańbyr quıyp tur.
Bólek aýdandarda sońǵy eki táýlikte 400-600 mm jaýyn-shashyn boldy.
Sıdzýoka, Kanagava jáne Tıba prefektýralarynyń keı jerleriniń turǵyndaryna oıpattyq aýdandardaǵy sý tasqyny qaýpinen evakýatsııalaý týraly ókim shyǵaryldy.
