Japonııanyń Ádilet mınıstri ıakýdzamen baılanysqany úshin otstavkaǵa ketti
ASTANA. 23 qazan. QazAqparat - Japonııanyń Ádilet mınıstri Keısıý Tanaka ıakýdza (sózdikke súıener bolsaq, bul mafııa degendi bildiredi) qylmystyq toptardyń ókilderimen baılanysy bar ekendigin moıyndaǵan soń otstavkaǵa ketti.
Sondaı-aq onyń sheteldikke tıesili kompanııadan zańsyz saıası qaıyrymdylyq qarajattaryn alyp turǵany anyqtaldy, dep habarlady Ýtro. rý.
Ótken aıda apta saıynǵy basylymnyń birinde jarııalanǵan materıalda, 74 jastaǵy Tanaka úkimettiń eń qart múshesi óziniń 30 jyl buryn ıakýdzanyń ókilderimen kezdeskendigin moıyndady.
Bul moıyndaý mınıstrdiń abyroıyna nuqsan keltirdi. Ol ýaqytty utpaq bolyp, aýrýhanaǵa jatqanymen tyǵyryqtan shyǵa almady. Bir eskereri, bul oryn alǵan janjaldyń alǵashqysy emes. Buǵan deıin áskerı máseleler men termınologııalardy nashar bilgen qorǵanys mınıstri otstavkaǵa ketýge májbúr bolǵan edi.
