Japonııanyń JІÓ-si jyldyq eseppen 1,8%-ǵa quldyrady

TOKIO. KAZINFORM — Japonııa ekonomıkasy 2025 jyldyń úshinshi toqsanynda jyldyq kórsetkish boıynsha 1,8 paıyzǵa qysqardy. Bul — sońǵy alty toqsanda alǵash ret tirkelgen ekonomıkalyq quldyraý, dep úkimetke silteme jasap, Sınhýa agenttigi jazdy.

Mınıstrler kabınetiniń málimetinshe, shilde–qyrkúıek aralyǵynda ınflıatsııany eskergen naqty jalpy ishki ónim (JІÓ) aldyńǵy úsh aımen salystyrǵanda 0,4 paıyzǵa tómendegen.

JІÓ-niń qysqarýy kútilgen edi, sebebi el ekonomıkasy joǵary ınflıatsııa, jeke tutynýdyń baıaýlaýy jáne AQSh-taǵy joǵary tarıfter sııaqty faktorlarǵa tap boldy.

Eksport sáýir–maýsym kezeńimen salystyrǵanda 1,2 paıyzǵa azaıdy, al ımport 0,1 paıyzǵa tómendedi. Sonyń nátıjesinde syrtqy suranys (eksport mınýs ımport) JІÓ-ni 0,2 paıyzdyq tarmaqqa qysqartty, bul jalpy tómendeýdiń jartysyn quraıdy.

Basqa negizgi kórsetkishterge súıensek, jalpy ekonomıkalyq óndiristiń jartysynan astamyn quraıtyn jeke tutyný 0,1 paıyzǵa ósti, al korporatıvtik ınvestıtsııalar 1,0 paıyzǵa artty.

Eske sala keteıik, buǵan deıin Japonııada narazy top premer-mınıstr Takaıchıdiń qyzmetten ketýin talap etkenin jazǵan edik.