Japonııanyń taýly aımaǵynda aıý talaǵan áıel qaza tapty

ASTANA. KAZINFORM — Japonııanyń soltústik-shyǵysyndaǵy Akıta aımaǵynyń taýlaryndaǵy ormandy alqapta dúısenbi kúni tańerteń 79 jastaǵy áıeldiń denesi tabyldy. Oǵan aıý shabýyl jasaǵan bolýy múmkin, dep habarlady jergilikti polıtsııa. Bul týraly Kyodo jazdy.

Boljam boıynsha, áıel bul aımaqqa sańyraýqulaq terý úshin barǵan kórinedi. Polıtsııa marqumnyń taý jaqyn jerde turatyn, jumyssyz jergilikti turǵyn Kıe Goto ekenin anyqtady. Betindegi jaraqattardyń aýyrlyǵy ony aıý talaǵanyn kórsetedi.

Polıtsııanyń aıtýynsha, Goto jeksenbi tańerteń taýǵa baratynyn habarlaý úshin otbasyna telefon soqqan. Ol otbasynan bólek turǵan eken. Týystary ony úıine izdep barǵan, alaıda keshke deıin oralmaǵan soń polıtsııaǵa habarlaǵan. Onyń denesi dúısenbi kúni tańerteń saǵat shamamen 9-da tabyldy.

Bul mańdaǵy aıý shabýyldarynyń jaǵdaıy órship bara jatqandyqtan, Akıta gýbernatory Kenta Sýzýkı Qorǵanys kúshterinen qosymsha kúsh surady.

Qorǵanys mınıstri Sındzıro Koıdzýmı ótken aptada jergilikti bılikke oq atylyp joıylǵan aıýlardy tasymaldaý jáne joıý sııaqty logıstıkalyq qoldaý kórsetýdi josparlap otyrǵanyn aıtty. Zań boıynsha Qorǵanys kúshteri aıýlardy atýǵa qatysa almaıdy.

Eske sala ketsek, Japonııa úkimeti polıtsııaǵa aıý shabýylyna qarsy qarý qoldanýǵa ruqsat berýi múmkin ekenin jazǵanbyz.