Japonııanyń Takahasıinde aýa temperatýrasy 40,4°C-qa jetti

TOKIO. KAZINFORM — Beısenbi kúni Japonııanyń kóp bóliginde aptap ystyq saqtaldy. Keıbir óńirlerde ekinshi kún qatarynan aýa temperatýrasy Tselsıı boıynsha 40 gradýstan asyp, adam ómirine qaýipti deńgeıge jetti. Bul týraly Japonııanyń meteorologııalyq agenttigi (JMA) habarlady, dep jazdy Sınhýa.

Agenttik málimetinshe, qaýipti ystyq negizinen Japonııanyń batys óńirlerin qamtydy. Okaıama prefektýrasyndaǵy Takahası qalasynda kúndiz aýa temperatýrasy 40,4 gradýsqa jetken.

Saǵat 15:30-daǵy (jergilikti ýaqyt boıynsha) kórsetkishter boıynsha:

• Kıoto prefektýrasyndaǵy Fýkýtııama qalasynda – 39,5°C,

• ıAmagýtı prefektýrasyndaǵy Ivakýnı qalasynda – 39,3°C,

• Hıogo prefektýrasyndaǵy Nısıvakı jáne Hırosıma prefektýrasyndaǵy Akıota qalalarynda – 38,9°C tirkelgen, dep habarlaıdy JMA.

Beısenbi kúni Japonııanyń 47 prefektýrasynyń 34-inde kún ótý qaýpi týraly eskertý jarııalandy.

Sınoptıkter turǵyndarǵa ystyqtan qorǵaný sharalaryn saqtaýǵa keńes berdi:

– kondıtsıonerlerdi qoldaný,

– jetkilikti mólsherde sý jáne tuz tutyný,

– ashyq aýada bolǵanda jıi úzilis jasaý usynyldy.

Buǵan deıin habarlanǵandaı, Grekııada 68 gradýstyq aptap ystyq bolyp, bılik turǵyndardy saq bolýǵa shaqyrǵan edi.