Japonııanyń soltústigindegi qonaqúılerdiń birinde 47 adam taǵamnan ýlandy

ASTANA. KAZINFORM - Japonııanyń soltústigindegi Aomorı prefektýrasy aýmaǵynda ornalasqan qonaqúılerdiń birinde tamaqtanǵan 47 adamnan taǵamnan ýlaný belgileri anyqtalyp, norovırýs juqtyrǵany belgili boldy.

Bul týraly dúısenbi kúni jergilikti buqaralyq aqparat quraldary habarlady, dep habarlaıdy Sınhýa.

Kyodo Tsushin agenttiginiń prefektýra bıligine silteme jasap málimdeýinshe, Tovada qalasyndaǵy Towadaso qonaqúıinde as ishken azamattarda qusý men ish ótý sııaqty belgiler tirkelgen.

Habarlamada qonaqtar men as úı qyzmetkerlerinen alynǵan nájis úlgilerinen norovırýs tabylǵany aıtylǵan.

Tovada qalasyndaǵy Kamıkıta qoǵamdyq densaýlyq saqtaý ortalyǵy bul jaǵdaıdy taǵamnan ýlaný deregi retinde baǵalap, qonaqúıdiń qyzmetin 15 aqpannan bastap bes kúnge toqtatý jóninde nusqama bergen.

Qolda bar málimetke sáıkes, ýlanǵan 47 adamnyń barlyǵynyń jaǵdaıy jaqsaryp keledi.

Osyǵan deıin Japonııadaǵy qalyń qardan 46 adam qaza tapqany týraly jazdyq.