Japonııanyń soltústiginde qar tazalaý jumystaryna áskerıler tartyldy
ASTANA. KAZINFORM – Japonııada qalyń qar jaýyp, saldarynan qaza tapqandar sany 46 adamǵa jetti. Saldaryn joıý jumystaryna ásker tartyldy, dep habarlaıdy BILD.
Japonııada qalyń qar qar jaýyp, birneshe metrlik qar úıindileri paıda bolyp, jazataıym oqıǵalar jıi tirkelip jatyr.
Qazirdiń ózinde 46 adam qaza taýyp, 558 adam jaraqat aldy. BAQ málimetinshe, keıbir adamdardyń máıitteri qar astynda birneshe kún boıy jatyp qalǵan, sebebi olardy der kezinde tabý múmkin bolmaǵan.
Japonııa bıliginiń deregine sáıkes, kóptegen qaıǵyly oqıǵa ǵımarattardyń shatyrlarynan qulaǵan qalyń qardyń adamdardy basyp qalýynan bolǵan. Zardap shekken aımaqtarda úılerdiń qulaǵany týraly da habarlanǵan.
Qańtar aıynyń sońynan beri Japonııanyń soltústiginde buryn-sońdy bolmaǵan kólemde qar jaýyp jatyr. Kóptegen óńirde qar áli de toqtaǵan joq. Aomorı men Adjıgasava sııaqty qalalarda bıylǵy qysta qar jamylǵysynyń bıiktigi bir metrden asty. Keıbir aýdandarda qar qalyńdyǵy tórt jarym metrge deıin jetken.
Aomorı gýbernatory Soıchıro Mııasıta qalalyq ákimdik kóshelerdi, úılerdi jáne temirjol joldaryn qardan tazartýǵa shamasy jetpeı jatqanyn málimdep, aqpan aıynyń basynda Japonııa armııasynan kómek suraǵan. Qazir sarbazdar, eń aldymen, qarttar men jalǵyz turatyn adamdarǵa kómektese otyryp, qar tazalaý jumystaryna qatysyp jatyr.
Aıta ketelik Japonııada qalyń qar saldarynan ondaǵan adam kóz jumǵan edi.