Japonııanyń iri kompanııalary JI-diń jańa platformasyn ázirleıdi
ASTANA. KAZINFORM — Japonııanyń iri korporatsııalary — SoftBank, NEC, Honda Motor jáne Sony Group ózderiniń jasandy ıntellekt platformasyn ázirleıdi, dep habarlaıdy Kyodo.
Kompanııalar ishki naryq úshin ozyq JI júıelerin engizbek. Jobaǵa SoftBank, NEC, Honda Motor jáne Sony Group qatysady.
Derekkózdiń habarlaýynsha, bul bastama AQSh pen Qytaıdyń sheshimderimen básekege túse alatyn JI úlgileriniń damýyn jedeldetýge baǵyttalǵan. Kompanııalar Japonııa úkimetiniń qarjylyq qoldaýyna da úmit artyp otyr.
Bolashaqta ázirleýshiler ónerkásiptik robottardy basqarý júıelerin qosa alǵanda, ónim jelisin keńeıtýdi josparlaǵan. Jańa kásiporyn jasandy ıntellekt boıynsha 100-ge jýyq mamandy tartýdy kózdep otyr. Jobany SoftBank-tiń joǵary laýazymdy qyzmetkeri basqarady.
SoftBank jáne NEC damýdy basqarady, keıinirek olarǵa Tokıodaǵy Preferred Networks qosylady.
Jańa kompanııa New Energy and Industrial Technology Development Organization-ǵa qarjylandyrýǵa ótinish bermekshi. Bul — otandyq jasandy ıntellekt tehnologııalaryn damytýǵa shamamen 1 trln ıen (shamamen 6,3 mlrd AQSh dollary) bólýge nıetti memlekettik organ.
Aıta keteıik, elimizde qurylys salasyna JI tehnologııalaryn engizý jyl sońyna deıin keńeıtiledi.
