Japonııanyń ortalyǵynda magnıtýdasy 5,6 bolatyn jer silkinisi boldy
ASTANA. KAZINFORM – Juma kúni Japonııanyń ortalyq bóligindegi ıAmanası prefektýrasynda jáne oǵan irgeles aýdandarda aldyn ala málimet boıynsha magnıtýdasy 5,6 bolatyn kúshti jer silkinisi tirkeldi. Bul týraly Japonııanyń meteorologııa agenttigi habarlady, dep jazdy Kyodonews.
Ázirge tsýnamı qaýpi jarııalanǵan joq. Sondaı-aq Fýdzı janartaýynda eshqandaı janartaýlyq belsendilik baıqalmaǵan.
Jer silkinisi jergilikti ýaqyt boıynsha saǵat 22:29-da shamamen 20 shaqyrym tereńdikte boldy. ıAmanası prefektýrasyndaǵy Fýdzıkavagýtıko qalasynda jer asty dúmpýleriniń kúshi japondyq seısmıkalyq qarqyndylyq shkalasy boıynsha 6 balǵa jetti.
Agenttiktiń túsindirýinshe, mundaı deńgeıdegi jer silkinisi kezinde adamdardyń aıaqta tik turýy qıyndaıdy, jıhaz sııaqty bekitilmegen zattar qulap, terezeler zaqymdanýy múmkin. Jer asty dúmpýleri Tokıo aglomeratsııasynyń bir bóliginde de 4 ball qarqyndylyǵymen sezildi.
Úkimet apparatynyń bas hatshysy Mınorý Kıhara baspasóz máslıhatynda Hamaoka atom elektr stansasyn qosa alǵanda, eldegi AES-terde eshqandaı qalyptan tys jaǵdaı tirkelmegenin málimdedi.
JR Central kompanııasynyń málimetinshe, jer silkinisinen keıin Tokaıdo baǵytyndaǵy joǵary jyldamdyqty «Sınkansen» poıyzdarynyń qozǵalysy ýaqytsha toqtatyldy.
Al JR East kompanııasy Tohoký, Dzeetsý jáne Hokýrıký baǵyttaryndaǵy «Sınkansen» poıyzdarynyń qozǵalysy avtomatty túrde toqtatylǵanyn, alaıda shamamen 15 mınýttan keıin qaıta jandanǵanyn habarlady.
– Bul jer joǵary qaraı kóterilgendeı áser qaldyrǵan jer silkinisi boldy, – dedi Fýdzıkavagýtıko kenti ákimshiliginiń ókili.
Jergilikti dúkende tolyq emes jumys kúnimen eńbek etetin 64 jastaǵy áıel 2011 jyly Japonııanyń soltústik-shyǵysyn kúıretken joıqyn jer silkinisin eske alyp, syrtqa evakýatsııalanǵan.
– Tik baǵyttaǵy shaıqalý 10 sekýndtan astam ýaqytqa sozyldy. Dúkendegi jeńil taǵamdar sórelerden qulap jatty, – dedi ol.
Premer-mınıstr Sanae Takaıtı jaýapty vedomstvolarǵa oqıǵa týraly aqparatty jedel jınap, halyqqa ýaqytyly jetkizýdi tapsyrdy.
Jer silkinisi kelesi aıda bıiktigi 3 776 metr bolatyn Fýdzı taýyna shyǵý maýsymy ashylar aldynda boldy.
Mamandardyń aıtýynsha, jer silkingen aımaq birneshe tektonıkalyq plıtanyń, sonyń ishinde Fılıppın teńizi plıtasynyń túıisken jerine jaqyn ornalasqan.
– Magnıtýdasy 6 bolatyn jer silkinisteri bul óńirde shamamen on jylda bir ret bolyp turady, – dedi Kıoto ýnıversıtetiniń Tabıǵı apattardyń aldyn alý ınstıtýtynyń professory Takýıa Nısımýra.
Onyń sózinshe, jer silkinisiniń mehanızmi tektonıkalyq plıtalardyń shekarasyna jaqyn bolǵanymen, onyń Fýdzı janartaýynyń atqylaýyna sebep bolýy ekitalaı.
Japonııa tabıǵı apattarǵa jıi ushyraıtyn elderdiń biri. Buǵan deıin, beısenbi kúni eldiń soltústik-shyǵysynda taǵy bir kúshti jer silkinisi bolǵanyn jazǵan edik. Al eldegi AES-ter bul jer silkinisinen keıin shtattyq rejımde jumys istep tur.
