Japonııanyń ońtústik-batysynda jer silkindi
ASTANA. KAZINFORM – Japonııanyń Mııadzakı prefektýrasynda ońtústik-batysyndaǵy aýdandarda magnıtýdasy 5,1 baldyq jer silkinisi boldy. Tsýnamı týraly eskertý jarııalanǵan joq, dep habarlaıdy Kyodo News agenttigi.
Jer silkinisi Japonııanyń seısmıkalyq qubylystar qarqynynyń 7 baldyq shkalasy boıynsha 5-ten tómen deńgeıde tirkeldi, oshaǵy Osýmı túbeginiń shyǵys jaǵalaýynda, 39 shaqyrym tereńdikte ornalasqan. Zardap shekkender týraly málimet joq.
Kyushu Electric Power Co málimetinshe, Kagosıma prefektýrasyndaǵy Sendaı atom elektr stantsııasynda eshqandaı aýytqýlar anyqtalǵan joq.
4 sáýir kúni Japonııanyń soltústik-shyǵysynda magnıtýdasy 6,0 baldyq jer silkinisi boldy. Jer silkinisi Ivate, Mııagı jáne Fýkýsıma prefektýralarynda Japonııanyń seısmıkalyq qubylystar qarqynynyń 7 baldyq shkalasy boıynsha 4-shi deńgeıde tirkeldi.
2 sáýirde eldiń soltústik-shyǵysynda magnıtýdasy 6,0 baldyq jer silkinisi boldy, Aomorı prefektýrasyndaǵy Hatınoha men Mısavada jáne Ivate prefektýrasyndaǵy Mııako men Kýdzıde japondyq seısmıkalyq oqıǵalardyń qarqyndylyǵy shkalasy boıynsha 5-ten tómen deńgeıde tirkeldi.
Sondaı-aq naýryz aıynda Japonııanyń soltústik-shyǵysynda 5,8 magnıtýdalyq jer silkinisi boldy. Jer silkinisi Fýkýsıma prefektýrasynda Japonııanyń 7 baldyq seısmıkalyq qubylystar qarqyndylyǵy shkalasy boıynsha 5-shi deńgeıden tómen jáne Mııagı, Ibarakı jáne Tochıgı prefektýralarynyń kóptegen aýdandarynda 4-shi deńgeıden tómen tirkeldi.
