Japonııanyń ońtústik batysynda 400-den astam jerasty dúmpýi tirkeldi
ASTANA. KAZINFORM – Senbi kúni Kagosıma prefektýrasynda, Tokara araldarynyń aınalasyndaǵy teńizde Japonııanyń seısmıkalyq jıilik shkalasy boıynsha 1 – 7 ball aralyǵynda 400-den astam jerasty dúmpýi tirkeldi, dep habarlaıdy NHK World-Japan.
Japonııanyń meteorologııa basqarmasy óńir turǵyndaryna sońǵy dúmpýlerdiń burynǵyǵa qaraǵanda jıi bolǵanyn nazarǵa ala otyryp, qýatty dúmpý bolý yqtımaldylyǵyna baılanysty saqtyq tanytýǵa shaqyrdy.
Jergilikti ýaqyt boıynsha saǵat 16:00-de 1 jáne odan joǵary baldyq jıilikpen 432 dúmpý tirkelgen.
Eń qýatty 5,1 magnıtýdalyq jer silkinisi jeksenbi kúni Akýsekıdzıma aralynda bolǵan. Onyń jıiligi 4 baldy qurady.
Meteorolgııalyq basqarma qyzmetkerleri biraz ýaqytqa deıin qýatty jerasty dúmpýlerinen saq bolýǵa shaqyrdy.
Olar seısmıkalyq belsendiliktiń aılarǵa sozylǵan kezderi bolǵanyn eske saldy.
Osyǵan deıin jerasty dúmpýleri Túrkııada tirkelgen edi.
