Japonııanyń ońtústik batysyna joıqyn taıfýn keldi
ASTANA.KAZINFORM — Seısenbi kúni Japonııanyń ońtústik-batysyndaǵy Kıýsıý aralynyń ońtústik bóliginiń mańynan «Djanmı» taıfýny ótip, eldiń batys jáne shyǵys aımaqtarynyń Tynyq muhıty jaǵalaýyna qaraı jyljydy, dep habarlaıdy Kyodo.
Taıfýn saldarynan kem degende 16 adam jaraqat aldy.
Sonymen qatar, Kagosıma jáne Okınava prefektýralarynda shamamen 48 000 úı elektr qýatynsyz qaldy.
Japon áýe kompanııalary sársenbide 580-nen astam ishki jáne halyqaralyq reısterdi toqtatty, bul shamamen 80 000 adamǵa áser etti.
Toyota jáne Suzuki kompanııalary jaǵdaı turaqtanǵansha óndiristi keıinge qaldyrý týraly sheshim qabyldady.
Japon meteorologııalyq agenttigi ekinshi eń joǵary deńgeıdegi 4-deńgeıli sý tasqyny týraly eskertý jarııalady jáne qaýipti aımaqtardaǵy barlyq turǵyny evakýatsııalaýǵa shaqyrady. Agenttik eldiń ońtústik-batys, batys jáne ortalyq bólikterindegi turǵyndardy kóshkin men sý tasqyny qaýpi týraly eskertti.
Buǵan deıin Qytaı sý tasqyny qaýpine baılanysty tótenshe jaǵdaı jarııalaǵan bolatyn.
