Japonııanyń ońtústiginde jer silkindi

ASTANA. KAZINFORM — Japonııanyń ońtústigindegi Janartaý araldary aýdanynda magnıtýdasy 6 baldyq jer silkinisi boldy, dep habarlaıdy Anadoly.

AQSh Geologııalyq qyzmetiniń málimetinshe, jerasty dúmpýleri jergilikti ýaqyt boıynsha saǵat 12:55-te tirkelgen.

Jer silkinisiniń oshaǵy 20 shaqyrym tereńdikte ornalasqan.

Qaza tapqandar men qıraýlar týraly aqparat túsken joq. Tsýnamı qaýpi jarııalanbady.

Janartaý araldary Japonııa astanasy Tokıo qalasynan shamamen 1250 shaqyrym ońtústikte ornalasqan. Jalǵyz qonystanǵan aral — Io (Ivodzıma), munda Japonııanyń áskerı bazasy ornalasqan.

Buǵan deıin Qytaıda magnıtýdasy 5,1 baldyq jer silkinisi bolǵany habarlanǵan edi.