Japonııanyń Nagano prefektýrasynda 5 baldyq jer silkinisi boldy: Tsýnamı qaýpi joq

TOKIO. KAZINFORM — Japonııanyń Nagano prefektýrasynda juma kúni keshke 5 magnıtýdaly jer silkinisi tirkeldi. Bul týraly Japonııanyń meteorologııa agenttigi habarlady, dep jazdy Sınhýa. 

Jer silkinisi jergilikti ýaqyt boıynsha saǵat 20:19–da 10 shaqyrym tereńdikte bolǵan. Omatı qalasynda, Tıkýhoký jáne Ogava aýyldarynda dúmpýler japondyq jeti baldyq seısmıkalyq shkala boıynsha «5 baldan tómen» deńgeıde sezildi.

Agenttiktiń málimetinshe, tsýnamı qaýpi joq.

Jer silkinisinen keıin Ogava aýylynda elektr jaryǵy ýaqytsha óshkeni habarlandy. Jergilikti ýaqyt boıynsha 21:00–de aımaqtyq órt sóndirý qyzmeti zardap shekkender joq ekenin málimdedi.

Stıhııa kólik qatynasyna da áser etken. JR East temirjol kompanııasy Karýıdzava men Itoıgava stantsııalary arasyndaǵy «sınkansen» júrdek poıyzdarynyń qozǵalysyn ýaqytsha toqtatty.

Eske sala keteıik, buǵan deıin Japonııada qoǵamnan oqshaýlanyp, úıinde kóz jumǵan jalǵyzbasty turǵyndar sany kóbeıgenin jazǵan edik.