Japonııanyń Kıýsıý aralynda jappaı evakýatsııa jarııalandy

ASTANA. KAZINFORM — Aımaq úkimeti búgin, 11 tamyzda Japonııanyń úshinshi úlken araly Kıýsıý aýmaǵynda nóser jaýyn saldarynan bolǵan sý tasqyny men kóshkinnen keıin jappaı evakýatsııalaý týraly habarlady. Bul týraly The Japan Times habarlady. 

Basylymnyń málimetinshe, Kýmatomo prefektýrasynda birneshe saǵat ishinde 37 mıllımetr jaýyn-shashyn baıqalǵan. Ondaǵan úıdi sý basyp, joldarda kólikterdi sý shaıyp, joldar buzyldy. Birneshe adam iz-túzsiz joǵalǵan, qaza bolǵandar týraly aqparat joq.

Jergilikti bıliktiń habarlaýynsha, jalpy sany 3 mıllıonǵa jýyq halqy bar aımaqtarǵa evakýatsııa týraly eskertý berilgen. Eń qaýipti aımaqta 380 myńnan astam adam turady. Qutqarýshylar sý basqan úılerden óz betimen qutyla almaǵan birneshe qart adamdy evakýatsııalap úlgerdi.

Aýa raıynyń qolaısyzdyǵy aımaqtaǵy temirjol qatynasyn da toqtatty. Atap aıtqanda, jergilikti júrdek poıyz operatory Kyushu Railway Co. kompanııasy jaǵdaı turaqtalǵanǵa deıin qatynasty toqtatqanyn habarlady.

Eske sala keteıik, Japonııada Sınmoe janartaýy qaıta belsendiligin arttyrdy.