Japonııanyń Kýmamoto prefektýrasynda jer silkindi

ASTANA. KAZINFORM — Búgin Japonııanyń Kýmamoto prefektýrasynda magnıtýdasy 5,7 bolatyn jer silkinisi boldy. Tsýnamı qaýpi jarııalanǵan joq, dep habarlaıdy Kyodo News.

Japonııanyń Kýmamoto prefektýrasynda jer silkindi
Foto: Japan Meteorological Agency

Japonııa meteorologııalyq agenttiginiń málimetinshe, jer silkinisi jergilikti ýaqyt boıynsha saǵat 02:22–de tirkelgen. Jerasty dúmpýiniń oshaǵy Amakýsa-Asıkıta aýdanynda, shamamen 10 shaqyrym tereńdikte ornalasqan.

Prefektýranyń keıbir aýdandarynda jer silkinisiniń qarqyndylyǵy Japonııanyń 7 baldyq shkalasy boıynsha besinshi deńgeıdiń tómengi shegine jetken.

Jerasty dúmpýlerin Kıýsıý aralynyń turǵyndary, sondaı-aq Sıkoký men Honsıý araldarynyń keıbir aýdandaryndaǵy halyq sezgen.

Aıta keteıik, osydan 4 aı buryn Kýmamotoda joıqyn jer silkinisi bolǵan. 28 shildede óńirde magnıtýdasy 7,1 bolatyn jerasty dúmpýleri tirkelip, ondaǵan adam qaza tapqan. Tabıǵı apat ınfraqurylymǵa aıtarlyqtaı zııan keltirgen. Sonyń saldarynan qaǵaz fabrıkasyndaǵy murja da qulaǵan.

19 qarashadaǵy jer silkinisinen zardap shekkender men qıraǵan nysandar týraly ázirge aqparat jarııalanǵan joq.

Buǵan deıin Rýmynııada magnıtýdasy 5,3 bolatyn jer silkinisi bolǵany habarlanǵan edi. Jerasty dúmpýlerin Moldova turǵyndary men Ýkraınanyń birneshe oblysyndaǵy halyq sezgen.