Japonııalyq stýdent Qorqyt ata murasyn zerttep jatyr

QYZYLORDA. QazAqparat - Japonııalyq stýdent Takýro Oýchı Qorqyt ata murasyn zerttep júr. Ol osy maqsatta Qyzylorda oblysyna arnaıy keldi, dep habarlaıdy QazAqparat tilshisi.

Japon jigiti Qazaqstanda tarıhı muralardy túgendeý baǵytynda naqty ister atqarylyp jatqanyn atap ótti. Bul maqsatta Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» baǵdarlamalyq maqalalarynyń septigi zor.

Takýro Oýchı Japonııanyń Tokıo ýnıversıtetindegi shetel tilderi bóliminde oqıdy. Japon jigiti Qorqyt ata murasy jaıynda dıplom jumysyn jazý úshin arnaıy Qyzylorda oblysyna keldi. Dıplom jumysyn jazý barysymen kelgen stýdent eń aldymen Qorqyt Ata kesenesine bardy. Odan soń Qorqyt ata atyndaǵy Qyzylorda memlekettik ýnıversıtetiniń tynysymen tanysty. Bolashaqta fılolog mamandyǵyne ıe bolatyn Takýro Oýchı bizdiń elimiz jaıynda jan-jaqty zertteýine tómendegi jaǵdaılar sebepker bolǵandyǵyn aıtady.

«Meniń Qazaqstanǵa degen mahabbaty men qurmetim japon tiline aýdarylǵan «Alpamys batyr» eposyn oqyǵannan keıin oıandy. Sol kitaptan úlken áser aldym. Qazaq mádenıeti jaıly bilgim keldi. Eki jyl buryn bilimin shyńdaý úshin Qazaqstanǵa arnaıy keldim. Munda 10 aıǵa sozylǵan oqýdyń bereri mol boldy. Men qazaq tilin jetik meńgerip shyqtym», - dedi Takýro Oýchı.

Takýro Oýchı bolashaqta magıstr biliktiligi boıynsha bilimin shyńdaý úshin Qorqyt Ata atyndaǵy Qyzylorda memlekettik ýnıversıtetin tańdaýy múmkin ekenin jetkizdi.