Japonııalyq Idzý túbegi seısmıkalyq belsendi óńir bolyp otyr
ASTANA. Jeltoqsannyń 21-i. QazAqparat - Idzý túbegindegi ómir mazasyz sıpat alǵan - sońǵy tórt táýlik ishinde munda 250-ge jýyq zilzala tirkeldi,
dep habarlaıdy QazAqparat Ýtro.rýǵa silteme jasap.
Jeti adam zardap shekti - negizinen qarııalar. Olar kenet bolǵan jerasty dúmpýinen tepe-teńdikterin joǵaltyp, jaraqat alǵan.
Japonııalyq buqaralyq aqparat quraldarynyń habarlaýynsha, sý qubyrlarynyń jarylýy jáne joǵary jyldamdyqty poıyzdardyń ýaqytsha toqtaýy týraly habarlar túsken.
Meteorologtar osy aımaqta seısmıkalyq belsendiliktiń taǵy birshama ýaqyt saqtalatynyn eskertti.
Japonııalyq arhıpelag birneshe tektonıkalyq plıtalardyń túıisinde ornalasqan. Ǵalamshardaǵy tirkelgen barlyq zilzalalardyń 20 paıyzy osynda bolǵan.
