Japonııalyq dúkende alǵashqy robot-saýdager jumysqa kiristi
ASTANA. 4 qarasha. QazAqparat - Japonııanyń Osaka qalasynda Mınamı esimdi androıd-qyz ámbebap dúkendegi áıelder kıimin satýshy retinde jumysqa kiristi, dep habarlaıdy segodnya.ua.
Ol tiri adamǵa qatty uqsaıdy. Sóıleı alady, ym-ıshara, qımyl áreketterdiń barlyǵyn meńgergen. Syrttan qaraǵanda boıy 160 sm, jasy 25-26-lardaǵy qarapaıym japondyq qyz sekildi. Mınamı satyp alýshylarǵa árbir jeıde týraly aqparat berip qana qoımaı, ózi keıbir taýar túrlerin usyna alady.
