Japonııalyq bıatlonshy Na. Dzýndzı erler arasyndaǵy 20 shaqyrymdyq jekeleı syn jarysynda Azıada oıyndarynyń chempıony atandy

Búgin Almaty obylysynyń "Soldat" shańǵy-bıatlon stadıonynda ótken jarysta Nagaı Dzýndzı máre syzyǵyn 1 saǵat 41,2 skýndta qıyp ótti. Ol eki atys alańynda túregep turyp atý kezinde nysanany bir-bir márteden dál kózdeı almady. Chempıonnan 1 mınýt 12,8 sekýnd qalyp qoıǵan Qytaı sportshysy Jen Lon (Ren Long) kúmis júldeger atandy. Qola medaldi taǵy bir qytaılyq bıatlonshy Lı Chjonhaı (Li Zhonghai) ıelendi. Ol jeńimpazǵa 2 mınýt 13,1 sekýnd utylyp qaldy.

Aıta keteıik, búgingi jaryta qazaqstandyq bıatlonshylardyń ishinen eń úzdik nátıjeni Nıkolaı Braıchenko kórsetti. Ol kómbege altynshy bolyp keldi. Al osy 7-Qysqy Azııa oıyndarynyń eki dúrkin chempıony atanǵan jerlesimiz Aleksandr Chervıakov bul joly jetinshi oryndy mise tutty. Esterińizge salaıyq, Chervıakov 1 aqpan kúni ótken erler arasyndaǵy 10 shaqyrymdyq sprınttik jarysta jeńipaz atansa, odan keıin 2 aqpanda bolǵan erler arasyndaǵy 12,5 shaqyrymdyń izge túsý jarysynda Qazaqstan qorjynyna altyn medal salǵan bolatyn.