Japonııalyq avtoóndirýshiler janar-jaǵarmaı shyǵyny týraly málimetterdi jarııalaýǵa mindettelmek
ASTANA. QazAqparat - Japonııa úkimeti avtoóndirýshilerdi modelderiniń janar-jaǵarmaı shyǵyny týraly málimetterdi olardyń broshıýralary men tehnıkalyq qujattaryna jazýǵa mindetteý máselesin qarastyryp jatyr.
Kıodo aqparattyq agenttigi habarlaǵandaı, bul shara Mitsubishi Motors kompanııasyna qatysty týyndaǵan «janar-jaǵarmaı daýy» aıasynda qabyldanýy múmkin, dep jazdy TASS.
Qazir Japonııadaǵy óndirýshiler janar-jaǵarmaıdyń ortasha shyǵynyn ǵana kórsetýge mindetti. Alaıda 2018 jyly jańa ereje kúshke enýi múmkin. Oǵan sáıkes qujatta qalalyq, qala mańyndaǵy jáne alys joldaǵy trassalardaǵy janar-jaǵarmaı shyǵyny jeke-jeke kórsetilýi shart.
«Naqty shyǵynmen erekshelik az bolady dep úmittenemiz», - degen vedomstvo ókiliniń sózin keltiredi agenttik.
Osyǵan deıin Mitsubishi Motors kompanııasyna qatysty «janar-jaǵarmaı daýy» týyndaǵan. Onyń basshylyǵy korporatsııa janar-jaǵarmaı shyǵynyn kemitip kórsetý úshin kólikterin erejeden tys synaqtan ótkizgen.
Aldyn ala málimetter boıynsha, bul kórsetkish 5-10% tómendetilgen.
