Japonııalyq 53 jasynda fýtbol klýbymen kelisimshartty uzartty
NUR-SULTAN. QazAqparat - Japondyq fýtbolshy jáne álemniń qazirgi kásibı oıynshylary arasynda eń jasy úlkeni Kazýıosı Mıýra «Iokogama» klýbymen jańa kelisimshartqa qol qoıdy. Bul týraly komandanyń resmı saıtynda jarııalandy, dep habarlaıdy QazAqparat.
53 jastaǵy japondyq fýtbolshy Kazýıosı Mıýranyń jańa kelisimi 2021 jylǵy maýsymnyń sońyna deıin eseptelgen.
«Ótken maýsymda koronavırýs saldarynan álemde qıyn jaǵdaı boldy, biraq túrli adamdardyń arqasynda qaıtadan fýtbol oınaýǵa múmkindik alǵanymyzǵa qýanyshtymyz. Bul maǵan jetispegen maýsym boldy, biraq meniń fýtbolǵa degen umtylysym men qumarlyǵym tek artyp jatyr. Bul maýsymda men kóbirek oınap, komandamnyń jeńiske jetýine úles qosamyn», - dep málimdedi Mıýra.
