Japonııaǵa taıfýn jaqyndap qaldy: 103 áýe reısi toqtatyldy
NUR-SULTAN. QazAqparat - Búgin Japonııada eldiń ortalyq jáne shyǵys aýdandaryna asa kúshti «Faksaı» daýylynyń jaqyndap qalýyna baılanysty júzden astam ishki reıster shegerilip, poıyzdardyń, onyń ishinde júrdek poıyzdardyń qozǵalysy azaıtyldy, dep habarlaıdy NHK telearnasy.
Eldiń Bas meteorologııalyq agenttiginiń derekterine qaraǵanda, tap qazirgi ýaqytta «Faksaı» taıfýny Hatıdze aralynyń batys jaǵynda 140 shaqyrym jerde. Ol soltústik batystan saǵatyna 30 shaqyrym jyldamdyqpen jyljyp keledi. Teńizdegi tolqynnyń bıiktigi 10 metrge jetýi múmkin.
Aýa raıynyń qolaısyzdyǵyna baılanysty Tokıonyń Haneda áýejaıyn eldiń ózge aýdandarymen baılanystyratyn 103 ishki áýe reısi keıinge qaldyryldy. Sondaı-aq, keshki mezgilde Tokıo men Osaka qalasy arasynda qatynaıtyn 50 júrdek poıyz toqtatyldy.
Taıfýn Tokıoǵa dúısenbige qaraǵan túni jetedi dep kútilýde.
