Japonııaǵa surapyl daýyl jaqyndap qaldy
ASTANA. QazAqparat - Surapyl «Norý» taıfýny soltústik-shyǵysqa jyljyp, japondyq Kıýsıý aralynyń ońtústigine jaqyndap keledi. Japondyq meteorologııalyq agenttiktiń habarlamasyna sáıkes aralǵa taıfýn jeksenbide jetedi.
Taıfýn ótip jatqan Amamı araldary aýdanynda qazir saǵatyna 100 mm - nóser jaýyn jaýyp jatyr.
Sınoptıkterdiń boljamynsha, keı aýdandarda jaýyn-shashyn sońǵy 50 jylda bolmaǵan rekordty deńgeıge jetýde.
Aýa raıynyń qolaısyzdyǵy saldarynan Kagosıma áýejaıynan Kıýsıýgen 80-nen astam reısti keıinge qaldyrdy.
Sınoptıkterdiń derekterine sáıkes, taıaý kúnderi taıfýn soltústik-shyǵysqa qaraı baıaý jyljı bermek. Osylaısha kelesi aptada ol japondyq Honsıý, onyń ishinde Tokıoǵa jetýi múmkin.
Foto: Global Look Press/Wang Haibin
