Japonııaǵa «Krosa» taıfýny jaqyndap qaldy
TOKIO. QazAqparat – Shyǵys Japonııanyń jaǵalaýyna joıqyn «Krosa» taıfýny jaqyndap keledi, dep habarlaıdy QazAqparat eldiń meteorologııalyq agenttigine silteme jasap.
Kyodo News málimetinshe, beısenbi kúni joǵary jyldamdyqtaǵy jolaýshylar ekspresiniń qozǵalysyna túgeldeı shekteý qoıylatyn bolady.
Tynyq muhıtynyń onynshy taıfýny búgin Japonııanyń Tanegasıma aralynan 500 shaqyrym jerde bolǵan. Sársenbi jáne beısenbi kúni taıfýn batys óńirlerge jetedi dep kútilýde.
Japonııanyń meteorologııalyq agenttigi taıfýnnyń saldarynan nóser jańbyr jaýatyndyqtan batys jáne shyǵys aýdandardaǵy ózenderde laı kóshkinderiniń, sý tasqynynyń bolýy, sý deńgeıiniń kóterilýi múmkin ekenin eskertedi.
Taıfýnnyń ortalyǵyndaǵy atmosferalyq qysym búgin túski ýaqytta 965 gPa-ǵa, jeldiń jyldamdyǵy sekýndyna 162 shaqyrymǵa jetti.
Sársenbige qaraı Japonııanyń ortalyǵyndaǵy Tokaı aýmaǵynda - 300 mm deıin, shyǵys Kınkı aýdanynda 200 mm deıin jaýyn-shashyn kútiledi.
Janna Nurmaǵanbetova
