Japonııaǵa «Djondarı» taıfýny tónip keledi
TOKIO. QazAqparat - Japonııalyq áýe kompanııalary «Djondarı» taıfýnyna baılanysty 32 ishki reısti toqtatty, dep habarlaıdy QazAqparat TASS agenttigine silteme jasap.
Ushý kestesine engizilgen ózgerister negizinen Osaka, Nagoıa sııaqty ortalyq qalalar arqyly ótetin baǵyttar boıynsha engizildi. Óıtkeni atalmysh baǵyttar boıynsha tropıkalyq daýyl kele jatyr.
Bul daýyl áýelde Japonııany aınalyp ótýi tıis bolatyn. Alaıda ol Japonııanyń basty Honsıý araly mańynda óziniń baǵytyn ózgertti. «Djondarı» saǵatyna 40km/saǵat jyldamdyqpen soltústik-batys baǵytymen uıtqyp keledi. Daýyl japonııanyń ortalyq jáne batys bóligimen ótýi yqtımal. Bulaı bolǵan jaǵdaıda ol Japon teńizine shyǵyp, Koreı túbegine baǵyt alady.
Japonııanyń ulttyq meteorologııalyq basqarmasynyń málimetteri boıynsha, tropıkalyq daýyldyń ortalyq bóligindegi jeldiń kúshi saǵatyna 40 km jyldamdyqty quraıdy. Ekpini metrine 50 km bolady. Eldiń batys jáne ortalyq bóligine táýligine 250-den 400 mm-ge deıin jaýyn jaýýy múmkin ekendigi aıtyldy.
Aıta keteıik, shilde aıynyń basynda «Prapırýn» taıfýnynyń áserinen Japonııaǵa nóser jaýyn jaýyp, sonyń saldarynan kóshkin men tasqyn paıda bolǵan edi. Tabıǵattyń dúleı kúshiniń saldarynan 225 adam mert bolyp, memleketke 76,7 mlrd ıen kóleminde shyǵyn keldi.
