Japonııaǵa bir aptanyń ishinde ekinshi taıfýn jaqyndap keledi

TOKIO. QazAqparat – Japonııaǵa osy aptadaǵy ekinshi, bıylǵy maýsymdaǵy jetinshi taıfýn jaqyndaýy múmkin, dep habarlaıdy QazAqparat Kyodo agenttigine silteme jasap.

Japonııa meteorologııalyq agenttiginiń habarlaýynsha, túski ýaqytta «Lan» taıfýny Mınamıtorı aralynyń mańynda bolǵan jáne ondaǵy jeldiń jyldamdyǵy saǵatyna 90 shaqyrymǵa jetken.

Seısenbi kúni «Hanýn» taıfýny Japonııanyń ońtústik-batysyndaǵy Kıýsıý aralyna qaraı jyljyp, araldyń birneshe bóliginde daýyl boldy. Jergilikti temirjol operatory jyldam júretin Sınkansen poıyzdaryn toqtatýǵa májbúr boldy.

Meteorologııalyq agenttik Japonııanyń tórt negizgi aralynyń biri sanalatyn Kıýsıý aralynyń ońtústigi men soltústiginde sel júrip, ózenderdiń tasýy men joǵary tolqyndar bolýy múmkin ekenin eskertti.

Sársenbi kúni Kıýsıý men Okınava arasynda ornalasqan Amamı-Osıma aralynda da qolaısyz aýa raıy kútiledi. Sondaı-aq Ońtústik Koreıanyń meteorologııalyq qyzmetiniń habarlaýynsha, osy aptada «Hanýn» taıfýny eldiń ońtústik jaǵalaýyna qaraı jyljyp, QHR-yna qaraı aýysýy múmkin ekenin aıtty.

Elde tolassyz jańbyr jaýady dep habarlaıdy, Yonhap aqparat agenttigi.