Japonııaǵa bıiktigi 3 metrden asatyn tsýnamı qaýpi tónip tur
TOKIO. QazAqparat – Japonııa úkimeti janyndaǵy Jer silkinisin zertteý komıtetiniń mamandary aldaǵy 30 jylda Tynyq muhıtynda qýatty jer silkinisi bolyp, ol eldiń úlken aýmaǵyn sharpıtyn 3 metrlik tsýnamıdi týdyrýy múmkin degen qorytyndyǵa keldi. Bul týraly QazAqparat AsahiShimbun jalpyulttyq gazetine silteme jasap habarlaıdy.
Japonııa úkimetiniń baǵalaýy boıynsha, Tynyq muhıtyndaǵy Honsıý aralynyń ortalyq bóliginen ońtústik-shyǵysqa qaraı ornalasqan 900 kılometrlik Nankaı oıpańynda bolatyn zilzala 320 myń adamnyń ómirin qıyp jáne 2,3 trln dollardan astam shyǵyn keltirýi múmkin. Jalpy alǵanda, tabıǵı apaty bolǵan jaǵdaıda Japonııadaǵy 47 prefektýranyń 40-na zaqym kelip, jer silkinisi men tsýnamı saldarynan órt týyndap, 2,4 mln úı qıraýy múmkin. Aldaǵy 30 jylda mundaı seısmıkalyq jaǵdaıdyń bolý múmkindigi 70%-dy qurap tur.
