Japonııadaǵy joıqyn jer silkinisi Qazaqstan ekonomıkasyna yqpal ete almaıdy - Ulttyq bank tóraǵasy
ATY. 6 sáýir. QazAqparat /Erlik Erjanuly/ - Japonııadaǵy joıqyn jer silkinisi Qazaqstan ekonomıkasyna yqpal ete almaıdy.
Ony Ulttyq bank tóraǵasy Grıgorıı Marchenko búgin Almatyda ótken baspasóz máslıhatynda aıtty.
«Japonııadaǵy jer silkinisiniń shyǵyny áli naqtylanǵan joq. Onyń saldaryn joıýǵa qomaqty qarjy jumsalýda. Bul el ekonomıkasynyń qalpyna kelýi men odan ary damýyna tyń serpin berýi múmkin», - deıdi Grıgorıı Marchenko. Bas bankırdiń aıtýynsha, Japonııadaǵy qazirgi ahýal Qazaqstan ekonomıkasyna yqpal ete almaıdy. Óıtkeni respýblıkada iri japon ınvestorlary joq. Japon kompanııalary negizinen eksporter. Syrtqy saýdadaǵy Japonııanyń úlesi ózge eldermen salystyrǵanda tómen.
