Japonııadaǵy jer silkinisi: Poıyzdar qozǵalysy 20 sáýirde qalpyna keltiriledi
TOKIO. Kyodo-QazAqparat - Shyǵys Japonııa temirjol kompanııasy ótken aptada Japonııanyń soltústik-shyǵysynda kúshti jer silkinisi saldarynan relsten shyǵyp ketken júrdek poıyzdardyń qyzmetin 20 sáýirde qalpyna keltirýdi kózdep otyrǵandaryn málim etti. Bul týraly QazAqparat Kyodo agenttigine silteme jasap habarlaıdy.
Poıyzdar qozǵalysyn qaıta jandandyrý shamamen bes aptaǵa sozylady.
JR East kompanııasy osy ýaqytqa deıin jabdyqtar men ınfraqurylymǵa 1000-ǵa jýyq zaqym kelgenin rastady. Onyń ishinde 300-ge jýyǵy temirjoldarda oryn aldy.
Operator JR East erteń,seısenbide Fýkýsıma prefektýrasyndaǵy Nasýshıobara men Korııama stantsııalary men Ivatedegi Ichınosekı jáne Morıoka stantsııalary arasyndaǵy jumys jandanatynyn málim etti. Atap aıtqanda 2 sáýirge taman Korııama men Fýkýsıma arasynda júrdek poıyz júretin bolady, al eki kúnnen keıin Sendaı men Ichınosekı arasyndaǵy qatynas qalpyna keltiriledi.
Jeksenbi kúni operator Mııagı prefektýrasynyń Shıroıshı qalasyndaǵy stantsııadan 2 shaqyrymdaı jerde joldan taıǵan 17 vagondyq poıyzdy shyǵarýǵa kiristi. Barlyǵy 17 vagonnyń 16-sy relsten shyǵyp ketken.
Aıta ketsek, ótken sársenbi kúni keshke qaraı Fýkýsıma prefektýrasynda 7,4 baldyq jer silkinisi bolyp, birneshe prefektýrada úsh adam qaza tapqan edi, 200-den astam adam jaraqat aldy.
