Japonııadaǵy jańa mamandyq - qyzǵandyrý
ASTANA. QazAqparat - Japonııalyq en.rocketnews24.com saıtynyń habarlaýynsha, osy elde «Support One» dep atalatyn jańa qyzmet túri ashylǵan. Bul qyzmet sizdiń janyńyzǵa basqa jigitterdi qosyp berip, óz jigitińizdiń nazaryn aýdartyp, qyzǵandyrý arqyly, aralaryńyzdyń burynǵydan da jaqsara túsýine qyzmet etedi.
Bul kompanııanyń veb-saıtynda qyzmetkerleriniń fotosýretter ilýli turady. Saıtqa tirkelý arqyly olardyń qyzmetine tapsyrys bere alasyz. Kompanııa kelbetti jigitterdi usynady, kezdesý ádemi saýda ortalyǵynda, barda otyrǵanda «tapsyrys» alǵan jigitter kelip, qyzǵa «tıise» bastaıdy. Al qyz da oǵan «ketary» emes ekenin bildiredi. Sońynda, qyzdyń jigiti bul «buzaqyny» qýyp tastap, qalyńdyǵynyń kózine «batyr» kórinedi.
Bul kompanııanyń qyzmetkerleri budan basqa da qyzmet túrlerin usyna alady. Mysaly, kóshede qydyryp júrgende, dúken aralaǵanda sizdiń ıtińizdi serýendetedi, ólim attandyrý saltynda qara kóbeıtedi, tipti otbasylyq barlyq máselelerge «stsenarıı» quryp, ótirik oqıǵa uıymdastyrý degendeı, dep jazady massaget.kz.
