Japonııadaǵy "Tomarın" atom elektr stansasynyń sońǵy reaktory sóndirildi
ASTANA 6 mamyr. QazAqparat - Japonııa qyryq jyldan beri tuńǵysh ret atom qýatynan bas tartty,
dep habarlaıdy Bak 7kz portaly.
Hokkaıdo prefektýrasynda jumys istep turǵan "Tomarın" atom elektr stansasynyń sońǵy - úshinshi reaktory profılaktıkalyq maqsatta sóndirilip jatyr.
El úkimeti barlyq atom reaktorlarynyń jer silkinisi men tsýnamıge tózimdiligin baıqaý úshin qosymsha tekserý bastaǵan edi. Baǵdarlama "Fýkýsıma-Daııchı" AES-indegi apattan keıin qabyldandy.
Búgin Tokıoda AES-ten birjolata bas tartýdy talap etken myńdaǵan adam sherý ótkizdi.
Japonııadaǵy toqtatylǵan atom reaktorlary jergilikti turǵyndar ruqsat etse ǵana qaıtadan iske qosylady.
