Japonııadaǵy taıfýn: 74 adam qaza taýyp, 11-i iz-túzsiz ketken
NUR-SULTAN. QazAqparat - Japonııada «Hagıbıs» taıfýny saldarynan qaza tapqandar sany 74-ke jetti. Taǵy 11 adam habar-osharsyz joǵalǵan, dep habarlaıdy QazAqparat NHK telearnasyna silteme jasap.
Telearnanyń habarlaýynsha, 200-den astam adam jaraqat alǵan. Apat qurbandary men zardap shekkenderdiń kópshiligi Honsıý aralynyń soltústik-shyǵysyndaǵy Fýkýsıma jáne Mııagı prefektýralarynyń turǵyndary. Sondaı-aq Kanagava prefektýrasy da adam shyǵynyn az kórgen joq.
Qazir 13 myń páter jaryqsyz otyr, 130 myń úıde sý joq.
Japonııa mınıstrler kabınetiniń bas hatshysy Esıhıde Sýganyń málimdeýinshe, apattan zardap shekken óńirlerde ınfraqurylymdy qalpyna keltirý jáne izdestirý-qutqarý operatsııalary júrip jatyr. Oǵan 110 myń adam jumyldyrylǵan.
230 mektep, ondaǵan sýpermarket jabylǵan, 120-dan astam bankomat isten shyqqan.
«Hagıbıs» taıfýny kúnshyǵys eline ótken demalys kúnderi jetken edi. Keı óńirlerde eki kún ishinde jaýyn-shashynnyń eki aılyq mólsheri jaýǵan.
