Japonııadaǵy surapyl taıfýn: 3 mln-nan astam adam evakýatsııalanbaq
TOKIO. Kıodo-QazAqparat – Jolshybaı úsh prefektýrany jaıpap ótken asa qýatty taıfýn ońtústik batys jaqtan Japonııadaǵy basty aralǵa jaqyndap qaldy. Jergilikti bılik úsh mıllıonnan astam adamdy el aýmaǵyna evakýatsııalaýǵa shaqyrdyǵ dep habarlaıdy QazAqparat Kıodo agenttigine silteme jasap.
Japonııa meterologııalyq agenttigi turǵyndardy nóser jańbyrdan, kúshti jelden, alapat tolqyndardan saqtanýǵa shaqyrdy.
Jergilikti jáne prefektýra bıliginiń málimetterine qaraǵanda, Kagosımada taıfýnnan kem degende tórt adam zardap shekken, taǵy bir adam Okınavada jaraqat alǵan.
Kyodo News derekteri boıynsha, jeksenbide saǵat 15:00-de 3,4 mıllıonnan astam adamdy jáne 1,6 mıllıonnan astam otbasyn evakýatsııalaýǵa buıryq berilgen.
Taıfýn saldarynan dúısenbiden bastap qoǵamdyq kóliktiń júrýi toqtatyldy.
Kyushu Railway Co. kompanııasy dúısenbiden bastap óz poıyzdary men jergilikti poıyz qozǵalysynyń toqtatylǵanyn málimdedi.
Al West Japan Railway Co.kompanııasy aldaǵy dúısenbide Hırosıma jáne Hakata stansalary arasyndaǵy Sanyo Shinkansen júrdek poıyzdardyń qozǵalysyn toqtatady.
