Japonııadaǵy sý tasqyny: tolassyz jaýǵan jaýynnan 100 adam qaza tapty
TOKIO. QazAqparat - Japonııanyń batys bóliginde tolassyz jaýǵan jaýyn-shashynnan sý tasqyny men kóshkin oryn alyp, saldarynan kem degende 100 adam qaza tapty, dep habarlaıdy BBC.
The Japan Times basylymynyń habarlaýynsha, taǵy 50 adam iz-túzsiz joǵalyp ketken.
Beısenbiden bastap Japonııanyń batys bóliginde shilde aıyndaǵy qalypty jaýyn-shashyn kóleminen úsh ese kóp jańbyr jaýǵan. Eki mıllıon adam ózenniń arnasynan shyǵyp, tasýyna baılanysty evakýatsııalanýǵa májbúr boldy.
«Biz buryn-sońdy mundaı jańbyrdy kórgen joqpyz», - dep málimdedi Japonııa meteoqyzmeti.
Qutqarýshylar dúısenbi kúni tańerteń bolǵan laı kóshkininen aman qalǵandar nemese qaza tapqandardyń denesin izdestirip jatyr.
Okaıama prefektýrasynyń resmı ókili málim etkendeı, sýdyń deńgeıi aqyryn tómendep jatyr.
Qaza tapqandardyń kóbi Hırosıma prefektýrasynda tirkelgen.
Premer-mınıstr Sındzo Abe jeksenbi kúni qutqarýshylardyń «táýlik boıy jumys istep jatqanyn» habarlady.
«Іz-túzsiz joǵalǵan adamdar kóp, basqalarǵa kómek kórsetý qajet», - dedi ol jýrnalısterge.
