Japonııadaǵy sońǵy ıadrolyq reaktor jumysyn toqtatady
ASTANA. 15 qyrkúıek. QazAqparat - Búgin, 15 qyrkúıekte Japonııanyń ońtústik shyǵysyndaǵy «Oı» AES-inde sońǵy ıadrolyq reaktor jumysyn toqtatady.
Reaktorǵa ıelik etetin energetıkalyq kompanııa 2011 jyly apatqa ushyraǵan «Fýkýsıma» AES-indegi 50 reaktordyń eń sońǵysy toqtatylatynyn habarlady. AES-tegi apat jer silkinisi kesirinen bolǵan. Kúshti tsýnamıdiń tolqyny elektr stansasyn qıratyp, myńdaǵan turǵyndar qaýipsiz jerge kóshirilgen edi. Tabıǵı apattan 16 myń adam qaza tapty.
Sońǵy qyryq jyl ishinde Japonııa osymen úshinshi ret ıadrolyq jobalaryn toqtatyp otyr. AES-tiń qashan qaıta iske qosylatyny belgisiz. Qoǵamdyq saýalnamalardyń qorytyndysy boıynsha, Japonııa turǵyndary AES-tiń iske qosylǵanyn qalamaıdy, dep habarlaıdy «Azattyq».
