Japonııadaǵy radıatsııanyń Qazaqstan úshin qaýip-qateri joq-N. Áshim
ASTANA. 29 naýryz. QazAqparat /Rýslan Ǵabbasov/ - Japonııadaǵy radıatsııanyń Qazaqstan úshin qaýip-qateri joq. Bul jaıynda búgin Úkimet otyrysynan keıingi brıfıngte QR Qorshaǵan ortany qorǵaý mınıstri Nurǵalı Áshim aıtty.
«Qazaqstan úshin qaýip-qater joq. Biz atalǵan tsýnamıden jáne Tynyq muhıtynan alshaq ornalasqanbyz»,-dedi vedomstvo basshysy.
Mınıstrdiń sózine qaraǵanda elimizdiń atmosferasynda eshqandaı da ózgerister baıqalmaǵan. Atap aıtaqanda «Qazgıdromet» RMK reseılik, japonııalyq, sondaı-aq ońtústikkoreıalyq áriptesterinen atalǵan másele boıynsha udaıy málimet alyp otyrady.
N. Áshimniń aıtýynsha, Japonııadan elimizge azyq-túlik ónimderi tasymaldanbaıdy. Jalpy bul elden negizinen jabdyqtar men avtokólikter Reseı nemese Qytaı arqyly tasymaldanady. Sondyqtan bul ónimder elimizge jetkiziler aldynda Reseıdiń nemese Qytaıdyń, sondaı-aq Qazaqstannyń shekarasynda eki márte tekseriletin kórinedi.
