Japonııadaǵy krýız laınerinde taǵy 41 adamnan koronavırýs tabyldy
TOKIO. QazAqparat – Japonııa densaýlyq saqtaý mınıstrliginiń habarlaýynsha, Iokogama mańynda karantınde turǵan krıýz kemesinde taǵy 41 adamnan koronavırýs tabylǵan. Osylaısha vırýs juqtyrǵan jolaýshylardyń sany 61 boldy, dep habarlaıdy Kyodo.
Aýrýǵa shaldyqqandardyń jasy - 20 men 80 aralyǵynda. Olar Tokıo men jaqyn mańdaǵy Saıtama, Tıba, Kanagava, sondaı-aq Japonııanyń ortalyǵyndaǵy Sıdzýoka prefektýralaryndaǵy medıtsına mekemelerine jetkiziledi. Mınıstrliktiń mátlimetinshe, olardyń eshqaısysynda aýyr sımptomdar joq.
Koronavırýs juqtyrǵan 41 adamnyń ishinde 21-i – japon, segizi – amerıkalyq, beseýi – avstralııalyq, taǵy beseýi – kanadalyq jáne Argentına men Ulybrıtanııadan eki adam bar.
«Diamond Princess» laıneriniń bortynda 56 elden 3700-ge jýyq jolaýshy men ekıpaj músheleri bolǵan. 80 jastaǵy jolaýshydan vırýs tabylǵan soń keme Kanagava prefektýrasynyń astanasyndaǵy aılaqqa karantınge qoıylǵan edi.