Japonııadaǵy kóshkinnen 20-dan asa adam iz-túzsiz ketti
ASTANA. QazAqparat - Japonııanyń ońtústik-batysyndaǵy Kıýsıý aralynda nóser jaýyn saldarynan bolǵan apattan habar-osharsyz ketkenderdiń sany 22-ge jetti, dep habarlady RIA Novostı.
Bastapqyda BAQ joǵalǵandar sany altaý dep habarlaǵan edi. Búgin polıtsııa Fýkýoka prefektýrasynda Asakýra qalasynda bir adamnyń múrdesin tapty. Buǵan deıin Oıta prefektýrasynda Hıta qalasynda kóshkin ornynan taǵy bir qaza tapqan adamnyń denesi tabyldy.
Japonııada adamnyń qaza tapqanyn dárigerler ǵana anyqtaıdy. Polıtsııa men órt qyzmeti adam jaǵdaıynyń belgilerin ǵana tirkeı alady. Eki adam aýyr jaraqat alǵan. Japonııa úkimeti jaǵdaıdy tótenshe dep baǵalady. Oqıǵa ornyna ózin-ózi qorǵaý kúshi, polıtsııa, órtten qorǵaý qyzmetteriniń 7,5 myń qyzmetkeri jumyldyryldy.
Qazirgi derekterge qaraǵanda, Kıýsıý aralynan 556 myń turǵyndy jedel kóshirý qajettigi týraly buıryq berildi. Asakýra qalasynda kóshkinnen keıin birinshi qabattaǵy úılerdi laı sý basyp, sý deńgeıi tipti kólik dóńgeleginen joǵary asýda.
Mektepti panalaǵan 50 shaqty adam sý basý saldarynan jol jabylyp, habarsyz qaldy. Sondaı-aq Hıta qalasynda sý temir jol kópirin shaıyp ketti. Jergilikti bılik ázirge shyǵyndy baǵalaı almaı otyr.
