Japonııadaǵy qazaqstandyqtardy elge qaıtarý maqsatynda TÝ-154 ushaǵy attanyp ketti
ANA. 14 naýryz. QazAqparat - QR Tótenshe jaǵdaılar mınıstrliginiń baspasóz qyzmeti búgin tańerteń Japonııadaǵy qazaqstandyqtardy elge qaıtarý maqsatynda TÝ-154 ushaǵynyń attanyp ketkendigin qýattady.
Ushaq bortynda jedel kómek kórsetý úshin Medıtsınalyq apat ortalyǵynyń bilikti 2 dárigeri de bar. Sondaı-aq ushaq qajetti aýzsýmen jáne azyq-túlikpen jabdyqtalǵan.
Al QR Syrtqy ister mınıstrliginiń baspasóz hatshysy Іlııas Omarovtyń atap ótýinshe, elimizdiń Japonııadaǵy Elshiligi adamdardyń tizimin anyqtaý jumysymen aınalysýda. Qazirgi ýaqytta qansha adamdy elge qaıtarý josparlanyp otyrǵandyǵy belgisiz.
Esterińizge sala keteıik, 11 naýryzda Japonııada joıqyn jer silkinisi boldy. Qazirgi ýaqytta atalǵan elde konsýldyq esepke alynǵan 95 qazaqstandyq bar. Jerasty dúmpýleri Tokıoda sezilip, ǵımarattardyń ishinde jıhazdar qulap, tereze shynylary zaqymdanǵan. Jer silkinisiniń qýaty 8,9 baldy quraǵan. Al zilzala oshaǵy 10 shaqyrym tereńdikte ornalasqan. Japon úkimeti 2 myń adamnyń qaza tapqandyǵyn habarlap otyr. Buǵan deıin olar tabıǵat apaty saldarynan qaza tapqandardyń sany 10 myńǵa jetýi múmkin ekendigin habarlaǵan bolatyn.
