Japonııadaǵy Qazaqstan azamattarynyń ómiri men densaýlyqtaryna eshqandaı qaýip joq - QR SІM
ASTANA. 12 naýryz. QazAqparat - "Qazaqstannyń Japonııadaǵy Elshiliginiń aqparaty boıynsha, konsýldyq esepte turǵan barlyq derlik qazaqstandyq azamattar - 95 adam apat aýmaǵynan tys jerde turady.
Otandastarymyzdyń kópshiligimen baılanys ornatyldy jáne olardyń ómiri men densaýlyqtaryna eshqandaı qaýiptiń joq ekendigi anyqtaldy", - dep habarlady syrtqy saıasat vedomstvosynyń baspasóz qyzmetinen.
Japonııa úkimeti men qutqarý qyzmetteri apat bolǵan aýmaqtan - Honsıý aralynyń soltústik-shyǵys jaǵalaýynan adamdardy qaýipsiz jerge kóshirip jatyr. Japon ókimetiniń aqparaty boıynsha, shet memleketterdiń úkimetteri sheteldik azamattardy kóshirý týraly máseleni ázirge kótermegen.
QR Syrtqy ister mınıstrliginde týystary habarlasa almaı otyrǵan Japonııadaǵy qazaqstandyqtar týraly derekter jınaý úshin «jedel jeli» telefony ashylyp otyr. Telefon nómiri: 8 71 72 72 04 37.
