Japonııadaǵy Qazaqstan azamattary elge erteń oralady -SІM
ASTANA. 14 naýryz. QazAqparat /Rýslan Ǵabbasov/ - Japonııadaǵy 60-qa jýyq Qazaqstan azamaty elge oralýǵa nıet bildirdi.
Bul týraly búgin Astanadaǵy aptalyq brıfıngte Syrtqy ister mınıstrliginiń resmı ókili Asqar Ábdirahmanov málim etti.
«Elge oralýǵa 60-qa jýyq Qazaqstan azamattary nıet bildirdi. Qazirgi kezde Hanad áýejaıynda QR Tótenshe jaǵdaılar mınıstrliginiń ushaǵy qonady dep kútilýde»,-dedi resmı ókil.
Onyń sózine qaraǵanda, Japonııadaǵy konsýldyq tizimde Qazaqstannyń 95 azamaty tirkelgen. Olardyń kópshiligimen baılanys múmkindigi iske asyryldy. «Tokıodaǵy Qazaqstan Elshiligi táýlik boıǵy rejımde jumys istep jatyr. Qazirgi kezde olar atalǵan elde ýaqytsha nemese turaqty túrde júrgen qazaqstandyqtardyń meken- jaıyn anyqtaýda. Ázirge zilzaladan zardap shekken qazaqstandyq azamattar tirkelmedi»,-dedi A. Ábdirahmanov.
Osy oraıda ol Qazaqstan azamattarynyń elge erteń oralatynyn aıtyp ótti.
Budan buryn habarlaǵanymyzdaı, QR Tótenshe jaǵdaılar mınıstrliginiń baspasóz qyzmeti búgin tańerteń Japonııadaǵy qazaqstandyqtardy elge qaıtarý maqsatynda TÝ-154 ushaǵynyń attanyp ketkendigin qýattady.
Ushaq bortynda jedel kómek kórsetý úshin Medıtsınalyq apat ortalyǵynyń bilikti 2 dárigeri de bar. Sondaı-aq ushaq qajetti aýzsýmen jáne azyq-túlikpen jabdyqtalǵan.
Al QR Syrtqy ister mınıstrliginiń baspasóz hatshysy Іlııas Omarovtyń atap ótýinshe, elimizdiń Japonııadaǵy Elshiligi adamdardyń tizimin anyqtaý jumysymen aınalysýda.
Esterińizge sala keteıik, 11 naýryzda Japonııada joıqyn jer silkinisi boldy. Qazirgi ýaqytta atalǵan elde konsýldyq esepke alynǵan 95 qazaqstandyq bar. Jerasty dúmpýleri Tokıoda sezilip, ǵımarattardyń ishinde jıhazdar qulap, tereze shynylary zaqymdanǵan. Jer silkinisiniń qýaty 8,9 baldy quraǵan. Al zilzala oshaǵy 10 shaqyrym tereńdikte ornalasqan. Japon úkimeti 2 myń adamnyń qaza tapqandyǵyn habarlap otyr. Buǵan deıin olar tabıǵat apaty saldarynan qaza tapqandardyń sany 10 myńǵa jetýi múmkin ekendigin habarlaǵan bolatyn.
Al búgin Japonııa ókimet oryndary joıqyn jer silkinisi men odan keıingi bolǵan tsýnamı saldarynan 5 myń adamnyń qaza tapqandyǵyn qýattady. Alaıda bul sannyń artýy da múmkin ekendigin aıtý kerek, dep habarlaıdy RBK agenttigi.
Joǵaryda aıtylǵan tizimge búgin túnde máıitteri Mııagı jaǵalaýynda tabylǵan 2000 adam, sonymen qatar Sendaı qalasynda qaza tapqan 300 adam kiredi.
Bılik myńdaǵan adamdar iz-tússiz joǵalǵandar qatarynda ekendigin aıtýda. Mysalǵa Mınamısanırıký qalasynda sol jerde turatyn 9000 halyqtyń taǵdyry áli belgisiz.
Burynyraq kem degende osy qalada turatyn 1000 adamnyń opat bolǵandyǵy týraly aıtylǵan edi.
Tabıǵat apatynan zardap shekken barlyq aýdandarda qutqarý operatsııalary jalǵasyp jatyr. Japonııaǵa shet elderden kómek kelýde, Reseı, Frantsııa, AQSh, Ulybrıtanııa elderi óz qutqarýshylaryn jibergen. Qytaı, tipti Aýǵanstan eli kómek qolyn sozýǵa daıyn ekendikterin jetkizgen.
QR SІM baspasóz qyzmetiniń málimetinshe, 11 naýryz kúni Japonııany sharpyǵan surapyl tabıǵı apatqa baılanysty, Qazaqstan Prezıdenti Nursultan Nazarbaev Kúnshyǵys eliniń halqyna kóńil aıtý jedelhatyn joldady. Qazaqstan osynshama qasiretti kezeńde dostas japon halqyna jan-jaqty járdem berýge, onyń ishinde gýmanıtarlyq kómek, qutqarýshylar men ózge de qajetti mamandardy jiberý arqyly qol ushyn berýge daıyn ekendigin bildirdi. Búgingi tańda japon taraby kómektiń naqty mólsheri men túrin aıqyndaýda.
Tokıodaǵy Qazaqstan Elshiligi táýlik boıy jumys istep, Japonııa aýmaǵynda turaqty jáne ýaqytsha turatyn otandastarymyzdyń ornalasqan jerlerin anyqtaýda. Qazirgi kezde zardap shekkenderdiń qatarynda qazaqstandyqtar joq.
Sonymen birge, Japonııadaǵy týysqandarynyń taǵdyryna alańdaýshylyq bildirip otyrǵan otandastarymyzdyń kóptegen ótinishterin nazarǵa ala otyryp, elimizdiń azamattaryn uıymdasqan túrde Qazaqstanǵa jetkizý jóninde sheshim qabyldandy. Bul sharany Syrtqy ister jáne Tótenshe jaǵdaılar mınıstrlikteri birlesip atqarýda.
