Japonııadaǵy qalyń qardan bir adam kóz jumdy
ASTANA. QazAqparat - Japonııanyń Hokýrıký aımaǵyndaǵy Fýkýı, Isıkava jáne Toıama prefektýralarynda jaýǵan qalyń qardan 30 adam zardap shegip, bir adam kóz jumdy, dep jazady Sınhýa.
Japon meteorologııalyq agenttiginiń málimetinshe, qardyń qalyńdyǵy 1 metrge jetip, jyldaǵydan 5-6 ese artyq artyq jaýǵan. Mamandar jergilikti turǵyndarǵa kóshege shyqpaý jóninde keńes beredi.
Fýkýı prefektýrasynyń polıtsııasy qardyń astynda qalǵan kólikten er adamnyń máıiti tabylǵanyn málimdedi. Qar tazalaımyz dep shatyrdan qulap jaralanǵandardyń sany 12 adamǵa jetken.
Qar qursaýynda qalǵan avtomobılderge áskerıler men arnaıy tehnıka kómek kórsetýde. Joldardaǵy kólik keptelisi ondaǵan shaqyrymǵa sozylǵan.
Áýjaılarda 52 reıs toqtatylyp, Kanadzava - Toıama baǵytyndaǵy sýperekspress jelisine shekteý qoıyldy.
