Japonııadaǵy ekinshi jer silkinisinen qaza tapqandar sany 11 adamǵa jetti
ASTANA. QazAqparat - Japonııanyń Kıýsıý aralyndaǵy Kýmamoto qalasynda magnıtýdasy 7,3 bolatyn jer silkinisinen qaza tapqandar sany 11 adamǵa jetti, dep habarlaıdy RBK.
Taǵy 760 adam aýrýhanada jatyr. Japon memeorologııalyq agenttigi osyǵan deıin turǵyndardy jer silkinisi saldarynan tsýnamı bolýy múmkin ekenin eskertip, jaǵalaý mańynan qonys aýdarýdy suraǵan bolatyn.
Aıta keteıik, Japonııada eki kún ishinde eki birdeı jer silkinisi oryn aldy. Kýmamotonyń Ýekı qalasynan 7 shaqyrym qashyqtyqta magnıtýdasy 6,2 bolatyn jer silkinisi bolyp, saldarynan 9 adam qaza tapqan bolatyn. Sondaı-aq myńǵa jýyq adam zardap shekken.
