Japonııadaǵy aýktsıonda mango jemisiniń eki danasy 3,7 myń dollarǵa satyldy
ASTANA. QazAqparat - Japonııadaǵy aýktsıonda mango jemisiniń eki danasy rekordtyq baǵaǵa - 400 ıenaǵa (3,7 myń dollarǵa jýyq) satyldy.
Bássaýda eldiń ońtústigindegi Mııadzakı qalasynda ótken.
Lotqa syrtqy qabyǵy ashyq- alqyzyl tústi, quramynda 15 paıyz qant bar, salmaǵy 350 gramm tartatyn jemister qoıyldy.
Mangonyń jalpy salmaǵy bir keliden asatyn eki danasyn Fýkýoka qalasyndaǵy ámbebap dúkenniń ıesi satyp aldy. Onyń aıtýynsha, jemisti saýda mekemesin jarnamalaý úshin vıtrınaǵa qoımaq.
Mundaı aýktsıondar Japonııada udaıy bolyp turady. 2016 jyly mamyr aıynda Sapporo qalasynda elge keńinen tanymal ıýbarı surypty eki qaýyn rekordty somaǵa - 1,6 mıllıon ıenaǵa (16 myń dollardan astam) satylǵan edi.
Aıta ketken jón, mangony -tropıkalyq jemisterdiń patshasy dep esepteıdi. Ári eń táttisi de, dámdisi de.
Mango sózin sanskrıt tilinen aýdarǵanda «uly jemis» degen maǵynany bildiredi.
Jemis osydan 4000 jyl Úndi jerinde ósken. Sodan da shyǵar, mango úndisterdiń ulttyq jemisi sanalady.
Búgingi tańda Azııa qurlyǵyndaǵy birneshe elde, atap aıtqanda Fılıppın, Taıland, tipti Afrıkada da osynaý máńgi jasyl bolyp turatyn jemis aǵashy ósip tur. Onyń quramyndaǵy A dárýmeni adamnyń boıyna kúsh quıady. Sondaı-aq S dárýmeni men kalııdiń de mólsheri barshylyq.
