Japonııadaǵy aýktsıonda kók týnets 634 myń dollarǵa satyldy
ASTANA. QazAqparat - Japonııada bıylǵy alǵashqy balyq aýktsıonynda 212 keli kók týnets satyldy, dep habarlaıdy "Rossııa 24" telearnasy.
Basty lot 634 myń dollarǵa baǵalandy. Ony Tynyq muhıtynan aýlaǵan. Sýshı daıyndaıtyn iri meıramhanalar jelisiniń ıegeri Kıesı Kımýra tórt jyl boıy qatarynan olardy satyp alyp keledi. Ol Tokıodaǵy balyq saýdasynyń belgili oıynshysy. Onyń aıtýynsha, balyq qymbatqa túsken, alaıda ony satyp alǵanyna óte qýanyshty. Eske sala ketsek, 2013 jyly aýktsıonda rekord ornady - 222 kelilik kók týnets bir mıllıon jeti júz elý myń dollarǵa satyldy.
