Japonııadaǵy aptap ystyqtan 3 myńnan astam adam aýrýhanaǵa jatqyzyldy

Ótken aptamen salystyrǵanda naýqastar sany 1791 adamǵa azaıdy, Japonııa aýmaǵyndaǵy temperatýra da tómendedi. Alaıda, birneshe aımaqta termometr tili 30 gradýstan túspeı tur. Ótken aptada ystyq aýa raıynan úsh adam qaıtys bolǵan, dep habarlaýda TASS agenttigi.

Japonııa meteorologııalyq basqarmasy Tynyq muhıtyndaǵy El-Nıno jáne La-Nınıa klımattyq qubylystardyń áserinen bıylǵy jaz óte ystyq bolady dep boljaýda. Shildeniń aıaǵy men tamyz aıynyń basynda jazdyń eń ystyq aýa raıy bolady dep kútilýde.

Ótken jazda Japonııada aptap ystyqtan 53 myń adam aýrýhanaǵa túsip, 100-den astam adam kóz jumǵan edi. Japondyq meteorologtar halyqty kún astynda uzaq júrmeýge, bas kıim kıip, suıyqtyqty kóp ishýge keńes berýde.