Japonııadaǵy aptap ystyq: 39 adam kóz jumyp, 13,7 myń turǵyn aýrýhanaǵa jetkizildi
ASTANA. QazAqparat - Japonııada osy aptada aptap ystyq saldarynan kem degende 39 adam qaıtys boldy, 13,7 myń adam kún ótip, aýrýhanaǵa tústi. Bul týraly seısenbi kúni Japonııanyń bas órt sóndirý basqarmasy málim etti, dep habarlaıdy TASS.
Bir aptanyń ishinde 13 myń 721 adam aýrýhanaǵa jetkizildi.
Japonııanyń ortalyq jáne batys aýdandarynda qatty ystyqtyń beti qaıtar emes. Mysaly, Gıfý taýly prefektýrasynda demalys kúnderi termometr baǵany 39 gradýstan asyp, osy jazdaǵy rekordtyq kórsetkish boldy. Tokıoda tipti tańerteń aýa temperatýrasy 33-34 gradýsqa jetýde.
Byltyr osy elde ystyq saldarynan 44 adam kóz jumyp, on myńdaǵan adam aýrýhanaǵa túsken bolatyn.
